Қосимов: "Бутун Ўзбекистон аҳлини Қурбон Ҳайити байрами билан табриклайман"

“Ассалому алайкум. Авваламбор, бутун Ўзбекистон аҳлини, мухлисларни жамоамиз номидан Қурбон Ҳайити байрами билан табриклайман. Ўйинга келадиган бўлсак, жуда ҳам қизиқарли ўтди. Стадиондаги муҳит ва майдон ҳолати ҳам ажойиб даражада эди. Курашларга бой ўйинни кўрдик. Қолаверса, омадимиз ҳам келди. Биринчи бўлим бўлим бошида, яъни, Касян бирга-бир чиқиб, гол урганида баҳс бошқача бўлиши мумкин эди. Йигитларимиз эса охиригача курашишди. Олдин ҳам ҳозир ҳам айтаман водийда «Навбаҳор»га қарши ўйнаш жуда ҳам қийин кечади. Сабаби мухлисларнинг 12-ўйинчи бўлиб қўллаб-қувватлаши футболчини югиришга мажбур қилади. Сўнгги вақтларда «Навбаҳор»га озгина омад етишмаяпти. Ўйлайманки, кейинчалик барчаси ўз жойига қайтади. Биз ҳам мухлисларга ёқадиган ўйин намойиш қилишни хоҳламоқдамиз. Жамоамиз ҳали янги ва улар бир-бирини тушиниб кетиши учун озгина вақт керак. Бугунги натижадан қониқдим, ўйинни эса кучайтиришимиз керак. Канчелскис ва  Журжевични ҳозир солиштириш ҳақидаги савол эса ноўрин деб биламан. Мураббий ўзгаргани билан футболчилар ўша ўша. Ёшлигимда «Пахтакор-79» ўйинларининг баъзи лавҳаларини кўрганман. Ярим ҳимоядаги Михаил Аннинг ҳаракатларини айтиб ўтган бўлардим. Ўша пайтдаги жамоада ёш жуда ҳам иқтидорли футболчилар бўлган. Афсуски, ўша фожиа ўзбек футболининг илдизига таъсир қилди", дейди Қосимов.