"Қўқон-1912": Ойбек Рустамов Саудия Арабистонига жўнаб кетди
23 апр 2016 09:53
Новости

"Қўқон-1912": Ойбек Рустамов Саудия Арабистонига жўнаб кетди

Теги : Қўқон-1912 Ойбек Рустамов

13 – 30 октябрь саналарида бўлиб ўтадиган 19 ёшгача бўлган футболчилар ўртасидаги Осиё чемпионатига тайёргарлик кўраётган Ўзбекистон ёшлар терма жамоаси апрель ойи якунида яна бир йиғин ўтказади.

Жасур Абдураимов бошчилигидаги Ўзбекистон U-19 терма жамоасининг навбатдаги йиғини Саудия Арабистонида ташкил этилди. Ўқув-машғулот йиғинлари доирасида Саудия Арабистони ёшлар терма жамоасига қарши икки бор ўртоқлик учрашуви ўтказиш режалаштирилган.

Саудия Арабистони U-19 – Ўзбекистон U-19 дастлабки учрашуви 28 апрель куни ўтказилса, иккинчи учрашув 30 апрель санасига мўлжалланган. Ҳар икки учрашув Тошкент вақти билан соат 18:45да бошланади.

Ушбу ўртоқлик учрашувлари Саудия Арабистон қироллигининг Ал-Хобар шаҳрида бўлиб ўтади. Биз учун қувонарлиси ушбу терма жамоа сафида “Қўқон-1912” жамоаси футболчиси Ойбек Рустамов ҳам Саудия Арабистони йиғинига жўнаб кетди. Биз Ойбек ва Ўзбекистон терма жамоасига омад тилаймиз. Ёш футболчимизнинг ватанимиз шаънини муносиб ҳимоя қилишига ишонамиз.

Ссылка :

Источник : kokand1912.uz

Получайте новости прямо в Telegram!

Рейтинг: +2