"Қўқон-1912": Мавсумга тайёргарлик бошланди

Футболчилар Данғарадаги “Данғара” меҳмонхонасига тўпланишди.

Дастлаб жамоа аъзолари учун йиғилиш бўлиб ўтди. Унда жамоа  вице-президенти бош директори Бахтиёржон Толипов сўз олиб барчани янги мураббий билан яна бир бор таништириб ўтди. Йиғилишда футболчиларга қишки ўқув йиғин режаси тушунтириб берилди.

Шунингдек, бош мураббий Муроджон Исмоилов ҳам сўзга чиқиб барчани бир оила бўлиб қўқонлик ишқибозларнинг ва раҳбариятнинг ишончларини оқлашга ҳаракат қилишлари кераклигини футболчиларга уқтириб ўтди.

Шундан сўнг жамоа дастлабки машғулотларга киришди.

Дастлабки машғулотда бош мураббийга Вадим Шодиматов ва Муҳсин Низомиддиновлар ёрдам беришди.

Машғулотларни бир қатор ашаддий мухлислар кузатиб боришганини ҳам алоҳида таъкидлаш жоиз.