"Қўқон-1912": Ҳамкорлик янги поғонага кўтарилмоқда

Жамоамизнинг титул ҳомийси бўлган компания вакиллари Қўқон шаҳрига ташриф буюрдилар.

“EVO+” интернет-провайдер компанияси бош директор ўринбосари Александр Николаевич Ким ,маркетинг бўлими раҳбари Зафар  Салмонов  ҳамда компаниянинг Қўқон шаҳридаги вакили Азизхон Халиқовлар  жамоамиз вакиллари билан учрашишни мақсад қилган эдилар. Меҳмонлар билан “Қўқон-1912” жамоаси матбуот ва маркетинг бўлими бошлиғи Акрамжон Мамадалиев учрашди. Учрашувда томонлар ўзаро ҳамкорликдан мамнун эканликларини изҳор этишди.

“EVO+” интернет-провайдер компанияси бош директор ўринбосари Александр Николаевич Ким “Қўқон-1912”  футбол клуби билан ҳамкорликдан ҳар икки томон манфаат кўраётганлигини , компания ушбу ҳамкорликни янада ривожлантиришга тайёр эканлигини изҳор қилди. Ҳар икки томон вакиллари ҳамкорликнинг истиқболдаги режаларини белгилаб олдилар.

Шунингдек компания вакиллари “Қўқон-1912” жамоасининг мухлислар клуби сардори Илҳомжон Қундузов билан ҳам суҳбатлашдилар. Улар футбол мухлислар учун эканлигини , компания мухлислар жамоасини ҳам қўллаб қувватлашга тайёр эканликларини изҳор қилишди.

Куннинг иккинчи ярмида меҳмонлар жамоамизнинг машғулотларини кузатиш учун “Марказий” стадионига ташриф буюрдилар. Машғулотлар якунлангач “EVO” вакиллари футболчиларимиз билан суҳбатлашиб , жамоанинг ҳар бир ўйинларини кузатиб бораётганларини ҳамда кўрсатилаётган натижалардан мамун эканликларини айтиб ўтишди. Меҳмонларимиз футболчиларимизга бўлажак учрашувларда омад тилаб , жамоанинг совриндорлар сафидан ўрин олишига тилак билдирдилар.

Биз ҳам ўз навбатида  “EVO+” интернет-провайдер компаниясига ўзаро ҳамкорлик учун жамоамиз номидан миннатдорчилик билдирамиз . Компаниянинг келгусидаги фаолиятида зафарлар ёр бўлишини тилаймиз !