"Қўқон-1912": Чирчиқдаги йиғин бошланди, Қувондиқ келди
10 июл 2017 07:39
Новости

"Қўқон-1912": Чирчиқдаги йиғин бошланди, Қувондиқ келди

Теги : Қўқон-1912

1-даврани кўтаринки кайфиятда ўтказган "Қўқон-1912" аъзолари, қисқа муддатли таътилдан қайтдилар.

Кеча Чирчиқ шаҳрида йиғилган футболчилар 2-даврага тайёргарликни бошлаб юборишди. Машғулотлар бугундан бошлаб кунига 2 маҳалдан бўлиб ўтади. Футболчилар бош мураббий томонидан ишлаб чиқилган режа бўйича тайёргарликни олиб боришади.

Мухлисларга бир хушхабарни етказмоқчимиз. Ўзининг ажойиб ўйинлари билан қўқонлик мухлислар меҳрини қозонган Қувондиқ Рўзиев жамоа сафига келиб қўшилди. Рўзиев 2-даврани жамоа сафида ўтказади. Ҳозирча сафда бошқа янги футболчилар йўқ.

Сербиялик футболчилар Дарко Гожкович ҳамда Филип Райевацлар йиғинга бироз кечроқ қўшиладилар. Улар айни дамда ўз юртларида ҳордиқ чиқармоқдалар.
Жамоа машғулотларида дарвозабон Музаффар Абдуллаев иштирок этмаяпти. Абдуллаев 2-даврани собиқ жамоаси, Жиззахнинг «Сўғдиёна» клубида ўтказиш эҳтимоли юқори.

Чирчиқдаги йиғин давомида сафда яна ўзгаришлар бўлиши мумкин. Бу ҳақида ўзгаришлар аниқ бўлгач албатта сизларга хабар берамиз. Ўқув - йиғин машғулотлари давомида «Қизилқум» ва «Нефтчи» жамоалари билан назорат ўйинлари ўтказиш режага киритилган.