"Қўқон-1912": Бугун “Истиқлол” билан ўйин "Бунёдкор"да бўлади
18 фев 2018 11:47
Новости

"Қўқон-1912": Бугун “Истиқлол” билан ўйин "Бунёдкор"да бўлади

Теги : Қўқон-1912 Истиқлол Тожикистон

Бугун "Қўқон-1912" футболчилари Тошкент шаҳрида ўзларининг навбатдаги назорат ўйинларини ўтказишади.

Бугунги рақиб Тожикистоннинг энг номдор жамоаси, Душанбе шаҳрининг “Истиқлол” клуби бўлади. Душанбеликлар айни кунларда Тошкентда йиғин ўтказишмоқда. Ушбу клуб ўтган йил ОФК кубоги финалига чиқиб “Ал Қува Ал Жавия” клубига ютқазиб қўйганди – 0:1.

Бугун “Истиқлол” таркибида Ўзбекистонлик футболчилар ҳам майдонга тушишлари мумкин. Ўтган мавусмни “Қизилқум”да бошлаб , 2-даврада “Бунёдкор” жамоасида тўп сурган ҳужумчи Воҳид Шодиев айни кунларда Душанбеликлар таркибига қўшилган. Шунингдек Темур Ҳакимов ҳам бугун Тожикистонликлар таркибида жамоамизга қарши ўйнаши мумкин.

“Қўқон-1912” – “Истиқлол” учрашуви бугун соат 16-00 да “Бунёдкор” академиясига қарашли стадионида старт олади.