RU

Последние новости

01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  13 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  3 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   5 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  30 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

“Қизилқум” Янги йил байрамини тантана қилди Новости

“Қизилқум” Янги йил байрамини тантана қилди

Теги :  Қизилқум
Куни кеча Навоийдаги “Қизилқумцемент” ҳиссадорлик жамияти сиҳатгоҳида “Қизилқум” футбол клуби аъзолари Янги йил байрами муносабати билан жам бўлдилар.

Унда нафақат “Қизилқум” жамоаси аъзолари, балки “Гули” футболчи қизлари, вилоят раҳбарлари, хомийлар ва бошқа кўплаб меҳмонлар қатнашдилар.

Тантана аввалида Навоий вилоят ҳокими, вилоят футбол федерацияси президенти Эркинжон Турдимов сўзга чиқди ва йиғилганларни байрам билан табриклади.

—  “Қизилқум” жамоаси икки йил олдин миллий чемпионатимизни ўн биринчи поғонада якунлаган эди, — деди Эркинжон Оқбўтаевич. — Бу йил эса футболчиларимиз мавсумни ўнинчи поғонада ниҳоясига етказди. Агар шу тарзда ўсишга эришиладиган бўлса, “Қизилқум”нинг чемпионлигини яна тўққиз йил кутишга тўғри келаркан. Мамлакатимида шахсан Юртбошимиз ташаббуслари билан миллионлар ўйини жадал оммавийлашиб, ривожланиб бормоқда. Навоийда миллий чемпионатимизда совринли ўринлар учун курашадиган жамоани шакллантириш учун барча шарт-шароитлар етарли. Ўтган мавсумнинг иккинчи ярмида Навоийда “Ёшлар” спорт мажмуасида кенг кўламли бунёдкорлик ишлари амалга оширилди. Айниқса, мазкур спорт иншооти яшил майдонининг юқори сифатли майса билан қопланганлиги нафақат футболчиларни, балки мухлислар кайфиятини ҳам кўтариб юбориши табиий. Бундай стадионда кучли ва ҳар жиҳатдан шаклланган жамоалар футбол ўйнаши лозим. Шундай экан, биз футболчиларимиздан чиройли футбол ва юқори натижалар кутадиган пайт келди, деб ўйлайман.

—  Бундан бир неча йил олдин “Қизилқум” жамоаси олий лигадан тушиб кетмаса бўлди, деган ҳадик билан мавсум охирини кутардик, — дейди Навоий кон-металлургия комбинати касаба уюшмаси раиси Исроил Раҳматов. — Мана аста-секин жамоа аъзолари чемпионатда ўз ўйинларини топиб боришмоқда. Энди футболчиларимизнинг совринли ўринлар учун курашадиган фурсати етди. Барчангизни кириб келаётган Янги — 2016 йил билан табриклар эканман, сизларга бир хушхабарни етказиб қўймоқчиман. “Қизилқум” жамоаси аъзоларига келаси мавсум олдидан хорижий русумдаги янги ва  замонавий автобус тақдим қиламиз.

—  “Қизилқум” жамоасини молиявий жиҳатдан қўллаб-қувватлашда кўмаклашаётганимиздан хурсандмиз, — дейди “Қизилқумцемент” ҲЖ раиси Рустам Айходжаев. — Футболчиларимиз чемпионат кучлилари сафига қўшилса бундан бошимиз осмонга етарди. Жамоамизнинг кўпсонли мухлисларимизни қувонтирадиган ўйинлар намойиш этиши учун зарур шарт-шароитларни яратиб бериш учун бор имкониятимизни ишга соламиз.

Тадбирда вилоятнинг бир гуруҳ хонандалари ўзларининг дилтортар куй-қўшиқлари билан йиғилганлар кўнглини шод этди. Айниқса, “Қаҳ-қаҳа” қизиқчилар гуруҳи чиқишлари байрам файзига янада файз қўшди.

Рейтинг: +1   

Комментарии

championat.asia
< посмотреть последние новости
Яндекс.Метрика