"Қизилқум": Легионерларимиз Ўзбекистон терма жамоасига қарши ўйнайди

Режага кўра, навоийликлар таркибида ўйнаётган грузиялик ҳимоячи Георгий Квесиешвили, украиналик ярим ҳимоячи Андрей Деркач ва ҳужумчи Вячеслав Шевченколар Тошкентда Ўзбекистон миллий терма жамоасига қарши бўладиган ўртоқлик учрашувида ички чемпионатимизда тўп сураётган легионерлардан таркиб топган терма жамоа сафига қўшилишади.  “Қизилқум” жамоаси легионерлари 1 июнь куни пойтахтимизга етиб келдилар.

— Бизни олдинда қизиқарли ўйин кутмоқда, — дейди украиналик ярим ҳимоячи Андрей Деркач. — Бу баҳс мухлислар учун ҳам қизиқарли бўлса ажабмас. Ўзбекистон терма жамоаси тажрибали ўйинчилар ва кучли таркибга эга. Аммо клубларда ўйнаётган легионерлар ҳам ўзларининг чиройли ўйинларини намойиш этишади, деган умиддаман.

Эслатиб ўтамиз, Ўзбекистон ва легионерлар терма жамоалари учрашуви 2 июнь куни Тошкентдаги “Бунёдкор” стадионида бўлиб ўтади. Ўйин соат 18.00 да бошланади.