Қаршида пляж футболи бўйича Ўзбекистон чемпионати ўтказилади

Қаршидаги “Геолог” спорт мажмуаси ҳудудида жойлашган футболнинг бу бури бўйича расмий ва халқаро турнирлар ўтказиш талабига жавоб бера оладиган Республикада ягона ҳисобланган пляж майдонида эндиликда пляж футболи бўйича мамлакат чемпионати ҳам бўлиб ўтади.

Профессионал футбол лигаси 5 йилдан буён пляж футболи бўйича ўтказилмасдан келаётган Ўзбекистон чемпионати баҳсларини жорий йилдан бошлаб ҳар мавсум ўтказишни йўлга қўяди. Шу мақсадда 3-8 сентябрь кунлари Қарши шаҳрида пляж футболи бўйича Ўзбекистон олтинчи миллий чемпионати учрашувлари бўлиб ўтади.