Бир қоп картошка, сабзи, тухум ва 5 гб интернет

"Man of the match" ёки ўзимизнинг тилда айтганда учрашувнинг энг яхши футболчисига соврин топшириш – футболда одатий ҳолга айланиб улгурганига анча бўлган. Бироқ баъзида ташкилотчилар мазкур масалага анчайин креатив руҳда ёндашишади ҳамда чинакамига ҳайрон қолдира олишади. Статуэтка, эсдалик совғаси ёки фахрий ёрлиқлар эмас. Фақатгина фойдали, ҳар бир футболчининг ҳаётида ас қотадиган, фойдаланса бўладиган ва фантазиянинг чегараси йўқлигини исботлайдиган туҳфа.

Мисол учун, Беларусь Иккинчи лигасида ўйиннинг энг яхши футболчисига бир челак қўзиқорин топширишди. Бундан илҳомланган футбол ватани вакиллари ўзларини узоқ куттиришмади. Маҳаллий "Йовил Таун" клуби футболчиси Жош Симсга мавсумдаги биринчи гол учун 25 килограммлик қопда картошка совға қилди. Норвегиянинг "Бранн" клуби челленжни давом эттирдими ёки бу шунчаки тасодифий ташаббусми, аммо MOTM`га 500 кг сабзи! Миш-мишларга қараганда ушбу воқеадан сўнг футболчи маҳаллий савдогарлар билан ҳамкорлик ўрнатиш борасида ишларни бошлаб юборган.  

Энг яхши футболчи совринига боғлиқ қизиқарли ҳолатлар шу билан тугади деб ўйлаётган бўлсангиз, адашасиз. Тирик товуқ, текин 5 гб мобиль интернет трафиги, улкан балиқ? Марҳамат! 

Қизиқ томони, мазкур совғалардан бири бугунги кунда машҳур юлдузга айланган, Лондоннинг "Арсенал" жамоаси етакчиларидан бири Мартин Эдегорга насиб қилган.