⚡️ Профессионал футболда майдонга чиққан ёши энг кичик футболчи ким?

Атертон Буюк Британия рекордини янгилаганини ҳақида сайтимиз орқали хабар бердик.

Абили эса Австралия кубоги доирасида “Оукли Кеннонс” ҳамда “Макартур” (2:5) жамоалари ўртасидаги учрашувнинг 90-дақиқасида захирадан ўйинга қўшилди. У дарвозабон ҳисобланади.

Бу борада энг ёш футболчи ким?

Рекорд ўтган йили либериялик 11 ёшли болакай - Эрик Маршал (ярим ҳимоячи) томонидан қайд этилган. У 2009 йил боливиялик Маурисио Балдивисио (ҳужумчи) 12 ёшлигида ўрнатган рекордни янгилаган экан. Маршал 4-дивизион жамоаси "FC Gar’ou" сафида бунга эришган.

Ўзимиздачи?

"11v11.com" портали статистикасига кўра, Ўзбекистон МТЖ тарихидаги энг ёш футболчи Илёс Зейтуллаевлиги кўрсатилган. У 16 ёш-у, 267 кунлигида ЖЧ-2002 саралаши доирасида Иордания (1:1)га қарши баҳсда терма жамоада дебют қилган. Аммо Зейтуллаев интервьюларининг бирида ёши 2 йилга кичрайтирилганинин тан олганди. Ундан кейинги ўринлардан эса Александр Гейнрих (17 ёш-у, 219 кунлик. Словакия 1:4) ҳамда Жасур Жалолиддинов (17 ёш-у, 219 кунлик. Беларус 0:1) жой олган.

Шунингдек, Жалолиддинов 2018 йил 16 ёш-у, 80 кунлигида Ўзбекистон Суперлигасидаги дебют қилиб, ёши энг кишик ўйинчилар қаторидан жой олганди. Кейинчалик унинг натижасини яхшилаган футболчининг эса ёши кичрайтирилгани аниқланганди.

Умуман Ўзбекистон чемпионатлари тарихидаги энг ёш футболчи - Шавкат Саломов (15 ёш) ҳисобланади.

P.S. Хуллас, шунақа гаплар)