Превью. "Сўғдиёна" - "Бунёдкор"

«Сўғдиёна» (Жиззах) – «Бунёдкор» (Тошкент)
11 март 2016. Жиззах. "Сўғдиёна" стадиони. 17:00
Ҳакамлар: Т. Тўхтасинов (Андижон), А. Маражабов (Андижон), З. Абдураҳмонов (Андижон), Д. Жалимов (Нукус)
Назоратчи: Р. Серазетдинов (Тошкент).

“Сўғдиёна” ва “Бунёдкор” олий лигада 12 бора тўқнаш келишган. Натижалар пойтахт жамоасининг мутлоқ устунлигини кўрсатмоқда.

“Бунёдкор” 12та ўйиндан 11тасини ютган. “Сўғдиёна” бу рақибни бир марта мағлуб этган. “Бунёдкор” ўйинларда 35та гол киритган, жиззахликлар 3 марта “қалдирғочлар” дарвозасини ишғол этишган. “Бунёдкор” ўзаро ўйинларда 33 очкони ўз ҳисобига ёзиб қўйган бўлса, “Сўғдиёна”да бу кўрсаткич 3 ни ташкил этади. “Бунёдкор”нинг ўзаро ўйинлардаги энг йирик ғалабаси 6:1. “Сўғдиёна”нинг ягона ғалабаси – 2:1.

2015 йил “Сўғдиёна” ўз уйида тарихий ғалабани қўлга киритган. Жасур Ҳакимовнинг иккита голига Шакер Зуаги жавоб берганди – 2:1. Тошкентда эса Шакер Зуаги ва Элдор Шомуродовнинг киритган тўплари “қалдирғочлар”га 3 очко келтирган – 2:0.

“Сўғдиёна” майдонида ўтган сўнгги беш учрашув:
10.05.2015 «Сўғдиёна» - «Бунёдкор» 2:1
01.06.2014 «Сўғдиёна» - «Бунёдкор» 0:2
08.11.2013 «Сўғдиёна» - «Бунёдкор» 0:2
15.06.2011 «Сўғдиёна» - «Бунёдкор» 1:6
04.08.2009 «Сўғдиёна» - «Бунёдкор» 0:3

Ўзаро ўйинлар ҳақида факт: “Сўғдиёна” ўз майдонида бир марта мағлуб этган. “Қалдирғочлар” сафардаги бешта ўйинда ғалабага эришишган. “Бунёдкор”нинг сафардаги голлари сони 19та.