ПРЕВЬЮ. "Локомотив" - "Металлург"
15 авг 2014 10:13
Новости

ПРЕВЬЮ. "Локомотив" - "Металлург"

Вадим Абрамов бошчилигидаги "Локомотив" клуби ўз уйида Рустам Мирсодиқов устозлик қилаётган "Металлург" клубини қабул қилади.

«Локомотив» (Тошкент) – «Металлург» (Бекобод)
15 август. Тошкент. “ТТЙМИ” стадиони. 19:00
Ҳакамлар: Т.Тўхтасинов, В.Лушин, А.Маражабов, С.Сатторов.
Назоратчи: И.Шарипов.

“Металлург” ва “Локомотив” олий лигада жами 19 бора тўқнаш келишган. Натижалар “темирйўлчилар”нинг устунлигини кўрсатмоқда. “Локомотив” 12 марта ғолиб бўлган. 4та ўйинда дуранг қайд этилган. “Металлург” эса 3та ўйинда зафар қучган. Тўплар нисбатида ҳам устунлик “Локо” томонида – 33:13 . Ўзаро ўйинларда “Локомотив” 40 очко жамғарган бўлса, “Металлург” эса 13 очко йиққан.

“Локомотив”нинг ўзаро ўйинларда қозонган энг йирик ғалабаси – 4:0 га тенг. Бекободликларда бу кўрсаткич 1:0 бўлиб турибди.

Дастлабки даврада Бекободдаги баҳс тақдирини битта гол ҳал қилган. Ушбу голни “темирйўлчилар” ҳужумчиси Иван Нагаев 47-дақиқада мезбонлар дарвозасига урганди - 0:1.

Тошкентда ўтган сўнгги беш учрашув:
12.04.2013 «Локомотив» - «Металлург» 2:1
21.09.2012 «Локомотив» - «Металлург» 5:1
04.06.2010 «Локомотив» - «Металлург» 1:0
20.09.2009 «Локомотив» - «Металлург» 1:0
25.05.2008 «Локомотив» - «Металлург» 1:0

Ўзаро ўйинлар ҳақида факт : “Локомотив” ўз майдонида ушбу рақибга умуман мағлуб бўлмаган. “Темирйўлчилар” 8 марта ғолиб бўлишган ва 1 бор дуранг ўйнашган. “Металлург” 2007 йил Тошкентдан бир очко билан қайтганди.

Ссылка :

Источник : championat.asia

Получайте новости прямо в Telegram!

Рейтинг: