Артета қишки трансфер ойнасида "Арсенал" таркибини кучайтиришга бел боғлади

Жамоа бош мураббийи Микель Артета таркибни кучайтиришсиз иш битмаслигини яхши тушунади.

Испаниялик мутахассиснинг айтишича, жароҳатлар сабаб таркиб анча заифлашган бўлса-да, унга футболчиларни танлашда мослашувчанлик керак. Шу боис қишда янги ўйинчиларга эътибор қаратиш лозим.

"Трансфер ойнаси очиляпти, биз эса — "Арсенал". Демак, шунга қарашимиз керак: "Бизга нима керак?" 

Биз фаол изланишимиз шарт, бу амалга ошадими-йўқми — бу алоҳида масала. Бизнинг вазифамиз — доимо тайёр ҳолда бўлиш, чунки ҳар қандай ҳолат юз бериши мумкин. Умид қиламизки, бу жуда ижобий нарса бўлади.

Бошқа клубларга қарасак, уларнинг таркибида 24-25 нафар футболчи борлигини кўрамиз. Биз кутгандан кўра кўпроқ жароҳат олдик, уларнинг айримларини олдини олишнинг иложи ҳам йўқ эди. Шунга қарамай, биз янада кучлироқ бўлишни истаймиз ва бу мавсумда футболчиларнинг мавжудлиги қанчалик муҳим эканини яхши англаяпмиз", – деди Артета.