Пеп "Сити"нинг 115та қоидабузарлиги ҳақида: "Бутун АПЛ бизни жазолашларини хоҳлаяпти"

Тебас "Манчестер Сити"нинг 115та қоидабузарлиги ҳақида қуйидаги гапларни айтган эди: "АПЛнинг кўплаб клублари "шаҳарликлар"ни жазолаш керак деб ҳисоблайди. Аммо "Сити" бир марта CAS томонидан оқланган эди".

"Тебас ҳақ бўлиши мумкин. Премьер-лиганинг барча жамоалари бизни жазоланишимизни хоҳлаяпти. ЛаЛига раҳбарининг сўзларига биринчи ва охирги марта қўшиламан. Аммо замонавий демократияда адолат бор - шундай экан, қарорнинг кутинг.

Биз ёмон иш қилдик деб ўйламайман. Биз мустақил комиссияга юзландик ва жавобни кутамиз" - деди "Манчестер Сити" устози.

Эслатиб ўтамиз, "Манчестер Сити" 2009/10 мавсумдан 2017/18 мавсумгача бўлган даврда 115та молиявий қоидабузарликда айбланаётган эди.

Ушбу иш бўйича якуний қарор 2025 йилнинг мартида эълон қилиниши мумкин.