"Пахтакор": U-12 жамоамиз Кореяда футбол фестивалида ғолиб бўлди

Унда Ўзбекистон шарафини "Пахтакор" академиясининг 2003 йилда таваллуд топган тарбияланувчилари ҳимоя қилишди. Дмитрий Ан бошчилигидаги жамоа Мўғулистоннинг "ДМУ Спорт", Жанубий Кореянинг "Жуюн", "Жованни академия" ва "Жей соккер А" жамоаларини мағлубиятга учратиб, бош соврин соҳиби бўлишди.

Дмитрий Ан мусобақа ҳақида фикрларини билдириб ўтди:

- Клублар ўртасидаги фестивал Жанубий кореяликлар томонидан жуда юқори савияда ташкил этилди. Иштирокчиларга барча қулай шароитлар яратиб берилди. Болалар бошқа мамлакат жамоалари билан баҳсларда ўз кучларини синаб кўришди. Гап натижада ҳам эмас. Шогирдларим илк бор хорижга сафар қилиб, халқаро мусобақада иштирок этишди. Улар бундан катта таассуротлар олишди. Улар яхши футболчи бўлиб етишсалар, келажакда кўплаб халқаро учрашувларда қатнашишлари мумкин. Мусобақадан шогирдларим ҳар томонлама фойда олишди.