RU

Последние новости

00:50U-20 Осиё кубоги саралаши. Ўзбекистон аёллар терма жамоаси Баҳрайнни ўта йирик ҳисобда таслим қилди  0 00:42Отабек Нарзуллаев: "Бугун айниқса ҳимояда кўп хато қилдик"  4 00:25Вадим Абрамов : "Ғалабадан хурсандман, лекин бундай ўйнаш керак эмас"  3 23:31"Милан" "Брюгге"дан салкам 40 млнлик трансферни амалга оширди  0 23:25Сергей Лушчан: "Тенг кучли жамоалар кураши гувоҳи бўлдик"  2 23:15Расман: Томас Мюллер Канада клуби сафига бориб қўшилди  0 22:50Иван Бошкович: "Асосийси жамоамизда ўйин бор"  1 22:25"Бавария" Emirates билан 7 йиллик шартнома имзолади  0 22:00Суперлига. Дарвозаларга 6 та гол урилган оқшомда "Динамо" камбэк эвазига "Машъал"дан устун келди   29 21:30"Челси" ўз ярим ҳимоячисини таҳминан 30 млн фунтга сотди  0 21:10Суперлига. "Навбаҳор" ўз уйида "Сўғдиёна" билан дуранг ўйнади  42 20:49Нуньес "Ал Ҳилол" билан 2028 йилгача шартнома имзолайди. Трансфер суммаси ҳам маълум  3 20:25"Ўзимизнинг "тобуткаш" Кападзега имконият бериш керак" - Миржалол Қосимов МТЖга хорижлик мураббий олиб келиниши ҳақида  33 19:38ПСЖ Сафоновга у асосий дарвозабон бўлмаслигини маълум қилди  3 18:51Исак "Ньюкасл" машғулотларидан четлатилди. Нега?  4

Ўзбекистонга фақат хорижлик мураббийлар керак Новости

Ўзбекистонга фақат хорижлик мураббийлар керак

Ўзбекистоннинг исталган ёшдаги терма жамоасига зудлик билан чет эллик мураббийларни олиб келиш керак деган фикрдаман.

Мана, бугун Ўзбекистон U-15 терма жамоаси Тожикистон U-15 терма жамоасига қарши ўртоқлик учрашуви ўтказиб, 3:6 ҳисобида мағлуб бўлди. Балки бу ўртоқлик ўйини, расмий беллашув эмас-ку дерсиз, лекин ўртоқлик баҳсидаям 6та гол ўтказиш уятдан бошқа нарса эмас! 

Бир ой олдин Мисрда ўтказилган U-20 Араб Кубогида қатнашган ёшларимиз гуруҳдан чиқа олмай қайтганди. Ўша мусобақада Тожикистон U-20 терма жамоаси гуруҳдан чиқишни уддалаганди. Биз эса шунчаки учта ўйин ўтказиб қайтганмиз. U-20 Араб Кубогига терма жамоани Ильдар Магдеев билан Дмитрий Ким олиб кетганди. 

Бугун мағлуб бўлган Ўзбекистон U-15 терма жамоаси бош мураббийи эса Сервер Жепаров ҳисобланади. 

Бу мағлубиятлар бекорга бўлаётгани йўқ. Чунки ЎФА терма жамоаларга малакаси юқори бўлмаган мураббийларни қўйяпти. Масалан, Жепаров ўз вақтида кучли футболчи бўлган, бунга шубҳа йўқ. Лекин мураббийлик соҳасида нимага эришди? У қайсидир клуб ўринбосарлари ёки U-18 жамоасини бошқардими? "Дубл" билан чемпион бўлдими? Ўсмирлар билан шаҳар чемпионатини ютдими? Йўқ. 

Ёки Ильдар Магдеев футболни тугатиб қанақасига бирданига терма жамоа бош мураббийи бўлиб қолди? Ёки бу қўлингда лицензия бўлса ишинг тайин деганими? 

Бундай шармандали натижа ЎФАда терма жамоалар билан ишлаш нотўғри эканлигини кўрсатяпти. Вазиятни тўғрилаш учун нима қилиш керак? Зудлик билан четдан иштиёқи баланд, "таниш-билиш", "соққани бос", "ўзингникини тиқиштир", "родителлар гапига кир" каби футболимизнинг қон-қонига сингиб кетган "замонавий ўзбек футболи атамалари"дан узоқ мураббийларни олиб келиш керак. Уларнинг ишига ҳеч ким аралашмасин, ўзларига қўйиб берайлик. Кимни чақирса ўзи ҳал қилсин. 

Тўғриси, шахсан менда ўзимизнинг маҳаллий мураббийларга ишонч йўқ. Мураббийларимиз ўзбек футболида революция қиладиган даражада кучли деб ўйламайман. Шу боис ЎФА ҳар бир терма жамоа учун - хоҳ эркаклар, болалар, аёллар, хоҳ футзал бўлсин энг аввало четдан мураббий қараши керак. 

Автор : Xayrulla Xoliqov
Рейтинг: +42   

Комментарии

championat.asia
< посмотреть последние новости
Яндекс.Метрика