Ўзбекистон ОТЖ Жанубий Кореяга қарши учрашувга тайёргарликни бошлади
21 янв 2018 13:20
Новости

Ўзбекистон ОТЖ Жанубий Кореяга қарши учрашувга тайёргарликни бошлади

Жанубий Кореяга қарши ОЧ ярим финалига тайёргарлик кўраётган Ўзбекистон олимпия терма жамоаси бугун эрталаб тренажер залида машғулот ўтказди.

Ўзбекистон олимпия терма жамоасининг бугунги машғулотларида барча иштирок этди ва айни дамда терма жамоа сафида жароҳат олганлар йўқ. Бугун олимпия терма жамоаси кечки пайт шунингдек, стадионда машғулот олиб боради.

Осиё чемпионати ярим финалига йўлланма олган Ўзбекистон ёшлар терма жамоаси, шунингдек, кунлик тиббий кўрикдан ўтказилмоқда ва терма жамоа бош мураббийига бу борада маълумот топширилади.

Эслатиб ўтамиз, Ўзбекистон олимпия терма жамоаси 23 январь куни Жанубий Кореяга қарши ОЧ ярим финалида майдонга тушади.