Ўзбекистон МТЖ. 2019 йилда қайси футболчи нечта гол урди?

9 январь куни Уммонга қарши ўйин билан бошланган йилда терма жамоамиз 16та ўйин ўтказди. Шундан 9тасида ғалабага эришилди, иккита учрашувда дуранг қайд этилди ва 5та ўйинда имконият бой берилди.

Мана шу 16та ўйинда терма жамоамиз аъзолари 29 бор рақиблар дарвозасини ишғол қилишди. Бу голлар 12 нафар футболчи ҳисобига ёзилди. 13та гол урган Элдор Шомуродов 2019 йилда терма жамоамиз тўпурарига айланди.

Одил Аҳмедов ва Игорь Сергеев якунига етаётган йилда терма жамоа либосида 3тадан гол уришга муваффақ бўлишди. Жамшид Искандеров икки бор рақиб дарвозасини ишғол қилди.

Яна 8 футболчи эса бу йил Ўзбекистон терма жамоаси таркибида бир мартадан гол уришнинг уддасидан чиқишди.


2019 йилда Ўзбекистон терма жамоаси сафида гол урган футболчилар:
Элдор Шомуродов - 13
Одил Аҳмедов ва Игорь Сергеев - 3
Жамшид Искандеров - 2
Жавоҳир Сидиқов, Жалолиддин Машарипов, Темурхўжа Абдухолиқов, Достон Турсунов, Санжар Қодирқулов, Ислом Тўхтахўжаев,
Достонбек Ҳамдамов, Отабек Шукуров - 1