RU

Последние новости

13:29"Манчестер Юнайтед" Де Хеани қайтармоқчи  0 13:10Перес "Реал" мураббийлигига Хаби Алонсо эмас, бошқа бир испаниялик собиқ футболчини олиб келмоқчи  2 12:36Саудия Арабистони клубларининг навбатдаги нишони — "Челси" ярим ҳимоячиси  0 12:11Футзал. Бугун Хитой – Ўзбекистон учрашуви бўлиб ўтади  0 11:26Иброҳим Ибрагимов: "Янги мураббий билан адаптация жараёни кетмоқда, унга вақт керак"  1 11:09Маҳмуд Маҳамаджонов: "Мавсум аввалида ўз ўйинимизни топиб олишга қийналдик"  0 10:53БАА терма жамоаси бош мураббийлигига яна бир номзод пайдо бўлди  4 10:26ПФЛ янги мавсумда Суперлиганинг ой футболчисини қандай аниқлашини маълум қилди  6 09:55Кечаги учрашувда Ҳусанов нега қайдномадан ҳам жой олмагани очиқланди  20 09:29Карлуш Кейруш яна Осиё терма жамоасини бошқариши мумкин  13 08:58«Манчестер Сити» ёзда 100 миллион евролик ҳимоячи сотиб олмоқчи  7 08:31Суперлига. 5-тур учрашувлари бошланиш вақтлари  1 08:00Про лига. Бугун мавсумга старт берилади  0 07:45Туркия кубоги. "Фенербаҳче" ўз майдонида мағлуб бўлди, Санчез сўнгги дақиқада "Галатасарой"ни қутқарди  1 07:33U-17 Осиё кубоги. Бугун ўсмирларимиз ўз юришларини бошлайди  6

Ўзбекистон кубогида ҳакамлар қандай ишлади? Россиялик собиқ ҳакамнинг таҳлили Новости

Ўзбекистон кубогида ҳакамлар қандай ишлади? Россиялик собиқ ҳакамнинг таҳлили

"Championat.asia" сайтининг ҳакамлар бўйича россиялик эксперти Анатолий Синяев Ўзбекистон кубоги 1/8 финали ўйинларидаги ҳакамларнинг баҳсли қарорларини таҳлил қилди.

"Бунёдкор" - "Локомотив"

ВИДЕО

Менинг ва ҳамкасбларимнинг фикрича, гол аниқ ҳолда урилди. Тўп киритган "Локомотив" футболчиси рақиб саломатлигига хавф туғдирадиган ҳаракат амалга оширмаган. Ҳимоячининг тўп учун курашга киришишда кечиккани яққол намоён бўлган. Қолаверса, ҳимоячи ҳам ўзи учун хавфли ҳаракат қилди: у тўпга тегиниш учун бошини пастга эгди. Гол тўғри ҳисобга олинган.


"Бунёдкор" - "Локомотив"

ВИДЕО

Агар тўқнашувнинг жиддий оқибатлари бўлмаса, у ҳолда ҳакамнинг қарорини қўллаб-қувватлаш мумкин. Ўйинчи тўп учун ўйнашга ҳаракат қилди, лекин хавфли равишда оёғини кўтарди ва у рақибнинг юзига тегди. Бироқ ҳимоячининг ҳаракатида тезлик юқори эмас, шунингдек, рақибга тўғридан-тўғри зарба берилгани йўқ. Умуман олганда, ҳакамнинг қарори қонуний. Бу ҳолат тўғридан-тўғри четлатиш эмас, балки иккинчи сариқ карточкага асос бўлади.


"Олимпик" – "Навбаҳор"

ВИДЕО

“Навбаҳор” устози ҳакамнинг қароридан норозилигини имо-ишоралари ва сўзлари билан билдирмоқда, бу ҳаракат камида сариқ карточкага лойиқ. Агар ҳакам тўғридан-тўғри ҳақорат қилинган бўлса, бу қизил карточка дегани, бироқ биз трансляция орқали нима гап-сўзлар бўлганини тушуна олмаймиз.


"Олимпик" – "Навбаҳор"

ВИДЕО

“Навбаҳор”нинг жарима майдончасида рақиб футболчисининг оёғига тегиниш бўлса, бу жуда юзаки ҳаракат ҳисобланади. Бу вазиятда футболчи фақат ўз хоҳиши билан йиқилди, яъни оёқни йиғиб оладиган ажойиб симуляция содир этилди. Бу ҳаракатлари билан “Олимпик” футболчиси ҳакамни алдамоқчи бўлди ва спортчига хос бўлмаган хатти-ҳаракати учун сариқ карточкага лойиқ эди. Ҳакам бу ерда сариқ карточка кўрсатмай хатога йўл қўйди.


АГМК – "Металлург"

ВИДЕО

АГМК футболчиси телбаларча ҳаракат қилади - у рақибга жароҳат етказиб қўйиш ҳақида ўйламади ҳамда хавфли подкат ташлади. Сариқ карточка тўғри кўрсатилган, четлатиш ҳақида эса гап-сўз бўлиши мумкин эмас. Қизил карточкага тортадиган ҳеч қандай мезон кўринмаган.


АГМК – "Металлург"

ВИДЕО

Пенальти белгилаш учун асослар бор эди, чунки "Металлург" ҳимоячиси қўли билан рақибнинг ортидан очиқчасига тегинди. Бироқ бу имконият маълум чегарага эга ва бунда кўп нарса ҳакамнинг қарор қабул қилишига боғлиқ. Агар ҳакам бутун ўйин давомида шундай эпизодларда ўйинни давом эттиришга рухсат берган бўлса, унинг қарорига қўшилиш мумкин. Албатта, бу вазиятда рақибга тегиниш ҳаракати содир этилди. Аммо бундай вазиятда ҳакам ушбу қоидабузарликнинг даражасини баҳолайди. АГМК футболчиси рақиб футболчисининг тегиниши натижасида йиқилдими ёки ортида рақибнинг қўли борлигини ҳис қилиб, ўз ихтиёри билан чиройли йиқилиш санъатини амалга оширдими? Россияда бундай вазиятлар бошқача баҳоланади, аммо яқинда бизнинг ҳакамларимизга оддий тегинишлар учун ҳуштакбозлик қилмаслик тавсия қилинди.

Рейтинг: +1   

Комментарии

championat.asia
< посмотреть последние новости
Яндекс.Метрика