RU

Последние новости

18:15"Манчестер Юнайтед" собиқ ҳимоячиси "Астон Вилла"га ўтмоқда  0 18:00АПЛ. "Брайтон" - "Манчестер Сити" 0:1 (матнли трансляция)  4 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  4 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  9 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4 13:35Аканжи "Манчестер Сити"ни Лондон клубига алмаштириши мумкин  0

Ойбек Бозоров: Осиё чемпионатидаги ҳар бир учрашув шиддатли ўтади Новости

Ойбек Бозоров: Осиё чемпионатидаги ҳар бир учрашув шиддатли ўтади

Хабарингиз бор, саноқли кунлардан сўнг Таиландда навбатдаги 23 ёшгача бўлган футболчилар ўртасида Осиё чемпионати старт олади.

Токио-2020 олимпиада ўйинларига йўлланма тақдим этувчи мазкур мусобақага Ўзбекистон олимпия терма жамоаси ҳам муносиб ҳозирлик олиб бормоқда.

Олимпиячиларимиз айни пайтда Бирлашган Араб Амирликларида якуний йиғинни ўтказишмоқда. Йиғин доирасида бир қатор ўртоқлик ўйинларида ҳам майдонга тушилмоқда.

Терма жамоамиз аъзоси Ойбек Бозоров ЎФА расмий сайтига олдиндаги масъулиятли мусобақага тайёргарлик жараёни қандай кетаётгани тўғрисидаги фикрлари билан ўртоқлашди.

- Осиё чемпионатига тайёргарлик жараёнини давом эттиряпмиз. Кунига 2 маҳалдан машғулотлар олиб бориляпти. Шу билан бир қаторда ўртоқлик ўйинлари ҳам ташкил этиляпти. Ўртоқлик ўйинлари бизга катта мусобақа олдидан бир-биримизни майдонда янада яхшироқ тушунишимиз ҳамда жамоавий ўйинни шакллантиришимизга ёрдам беряпти.

Осиё чемпионатида мақсадларимиз улкан. Таркибдаги барчанинг нияти – ватанимизга ёруғ юз билан қайтиш. Лекин ҳеч бир учрашувда бизга осон бўлмаслиги табиий. Зеро ҳар бир жамоа қитъа чемпионатида максимал имкониятларини ишга солади. Гуруҳ босқичида ҳам ҳар бир ўйин шиддатли ўтиши тайин. Гуруҳимиздан ўрин олган Эрон, Хитой ва Жанубий Корея терма жамоаларининг ҳар бирини ўзига яраша кучли, шу билан биргаликда камчилик жиҳатлари бор, албатта. Рақиблар ичида қай бири фаворит эканини айта олмайман. Қайси жамоа мусобақага яхши тайёргарлик олиб борган бўлса, ўша жамоа устунлик қилади. Биз энг аввало гуруҳда 1-ўринни эгаллашга ҳаракат қиламиз.

Мусобақа бошланишини кўпчилик орзиқиб кутяпти. Чемпионат давомида юртимиздаги кўплаб ишқибозлар, улар қаторида оила аъзоларимиз ҳам бизни қўллаб-қувватлашади. Буни ҳис этган ҳолда биз ҳам бор куч-маҳоратимизни ишга соламиз ва уларнинг ишончларини оқлаб, ғалабалар билан хурсанд қилишга уринамиз, - дея таъкидлади маҳоратли футболчи. 

Рейтинг: +7   

Комментарии

championat.asia
< посмотреть последние новости
Яндекс.Метрика