Осиё чемпионлар лигаси. Бугун бўлиб ўтадиган ўйинлар

Кун тартибидан тўртта учрашув ўрин олган. "C" ва "D" гуруҳларида жамоалар охирги тур баҳсини ўтказишади. "C" гуруҳида БААнинг "Ал Айн" клуби Эроннинг "Истиқлол" жамоаси билан куч синашади. Бу ўйин иккала жамоа учун ҳам у қадар муҳим эмас. Шунга қарамай жамоалар коэффициент йиғиш мақсадида кураш олиб боради. 

Яна бир ўйин Доҳада "Ал Дуҳайл" ва "Ал Ҳилол" ўртасида кечади. Бугун "Ал Дуҳайл" ғалаба қозонса ҳам гуруҳ пешқадами бўла олмайди. Чунки "Ал Ҳилол" аллақачон 12 очко жамғариб қўйган. 

"C"гуруҳи. 6-тур. 20 май

23:00. "Ал Айн" - "Истиқлол"

23:00. "Ал Дуҳайл" - "Ал Ҳилол"

Табиийки ўзбек футболи ишқибозларининг нигоҳи Жидда шаҳридаги баҳсга қаратилади. Чунки бунда "Пахтакор" сафарда "Ал Аҳли" меҳмони бўлади. Бугунги ўйинда "Пахтакор"ни дуранг ҳам қониқтиради, лекин барибир Арвеладзе шогирдлари ғолиб чиқиш учун ҳаракат қилса керак. 

Кейинги босқич масаласини ижобий ҳал қилган "Ал Садд" Теҳрондаги "Озоди" стадионида "Персеполис" меҳмони бўлади. ОЧЛ ўтган йилги финалчиси "Персеполис" бу йил гуруҳдан чиқа олмади. Шунинг учун жамоа охирги турни фақат расмиятчилик учун ўтказади. 

"D" гуруҳи. 6-тур. 20 май

21:30. "Персеполис" - "Ал Садд"

00:00. "Ал Аҳли" - "Пахтакор"