Ориги - "Барселона" дарвозасига урилган гол ҳақида: "Омадсиз кун бўлганида тўп трибунага учиб кетарди"

"Қарадим. Майдондаги тўпни боллбойга тепиб юборишни истадим. Буни амалга ошириб, ўз жойимни эгаллаш учун ортимга қарадим, бурчакни ким амалга оширишига қараб мен ҳам ўз позициямни танлайман.

Бурчакка қарашим билан Трент ҳам мени кўрди. Ўшанда кичик пас ўйнаймиз деб ҳаёл қилгандим, бироқ унинг паси зарбасини кўриб, тўпни дарвозага тўғрилаб қўйиш имкониятини ҳис қилдим. Кўз қирим билан Пике ва тер-Штеген менга қарамаётганини ва чап бурчак очиқлигини кўрдим.

Бу жуда оғир зарба эди, мен эса жуда хурсанд бўлдим. Тўп дарвозага кириб кетганида барчаси тез ўтиб кетди. Буни яхшилаб тушуниб олиш учун эса вақт керак.

Бу мослашиш ва вазиятга реакцияга боғлиқ. Бундай ўйинларда миядан жуда кўп нарса ўтади, бироқ "Барселона"га қарши ўйинда бунчалик даражада яхши ўйнашимизни кутмагандим.

Балки ўшанда бир омадсиз кун бўлганида тўп трибуна томон учиб кетарди. Вазият бироз оғирроқ бўлгани учун одамлар бунда менинг айбим борлигини айтишмасди. Бироқ барчаси яхши якун топди ва биз жамоа сифатида ўсишга эришдик", - деди Ориги.