Ориф Маматказин: "Ҳимоядаги расво ўйин туфайли 6та гол ўтказиб юбордик"

"Ҳимояда қилинган расвой ўйин туфайли шундай йирик ҳисобдаги мағлубиятга учрадик. Ўтган турда ўз майдонимиздаги ғалабадан йигитлар ҳаволаниб кетишди. Битта ўйинда 6та гол ўтказдик, уларнинг 4тасини стандартлардан сўнг қўйиб юбордик. Энди ўйинни яна бир бор кўриб чиқамиз ва хатолар устида ишлаймиз. Афсуски Андижондан Муборакка келиб бизни қўллаб турган мухлисларни хурсанд қила олмадик. Уларга миннатдорчилик билдираман, улардан мағлубият учун узр сўрайман", - деб гап бошлади Ориф Маматказин.

"Шухрат Мирхолдиршоев ҳозирги вақтда 90 дақиқа ўйнашга тайёр эмас. Шу боис уни захирадан майдонга туширдик. Иккинчи давра олдидан бир қатор футболчиларни қўшиб олдик. Лекин ҳали улар жамоага қўшилиб кетишгани йўқ. Қисқа муддатда буни амалга ошириш жуда қийин. "Машъал"да йилига бир-икки футболчи ўзгаради. Бизда эса ҳар йили ўнлаб футболчилар келиб шунчаси кетади. Бундай ҳолатда жамоавий ўйинни тузиш жуда қийин", - дейди Маматказин.