"Оқ-тепа": Машғулотлар давом этмоқда

Машғулотларда бир қатор янги футболчилар иштирок этишмоқда. Хусусан, ўтган мавсумни “Гулистон”да ўтказган Илҳом Жуманов, Хуршид Йўлдошев, Дилмуҳаммад Худойбердиев ва Зафар Қорақулов ўтган кундан бошлаб машғулотларга қўшилди. Бундан ташқари, Фурқат Обидов (“Посбон”, Тошкент, 2-лига), Миролим Собитов, Сарвар Исмоилов, Азиз Талхатовлар (барчаси - “Пахтакор”) ҳам кўрикдан ўтишмоқда.

Шунингдек, машғулотларда Сарвар Хайриев, Алексей Локтионов, Фаррух Зикрияев, Маъруф Зокиржонов, Алишер Алимов, Ислом Йўлдошев, Зокир Мирзааҳмедов, Шоҳруҳ Пирназаров, Сардор Хуршидов, Бобур Абдураҳмонов, Илҳом Ражабов, Маъруф Аҳмаджонов, Рафаэль Абдураҳмонов, Абдумавлон Турсунов, Мурод Ахатов, Аббос Абдуллаев, Миржалол Норматов, Салават Содиқов ва Абдулла Аҳмаджонов иштирок этмоқда.

Режага кўра, футболчилар эртага дам олишади. Душанба кунидан бошлаб яна машғулотларга киришади. Айтиб ўтиш жоиз, мураббийлар штаби айни вақтда ўйинчиларнинг жисмоний тайёргарлигига урғу беришмоқда.