Олий лига. "Қизилқум"нинг "гол-машинаси"
19 авг 2016 14:45
Новости

Олий лига. "Қизилқум"нинг "гол-машинаси"

"Қизилқум" жамоасининг давралар оралиғида харид қилган ҳужумчиси сербиялик Неманья Йованович голлар уришдан тўхтамаяпти.

"Андижон" клубидан "Қизилқум"га ўтган Неманья Йованович иккинчи давра ўйинларини голсиз тугатмаяпти.

Йованович янги жамоаси сафида ўтказган 5 учрашувда жами 5та гол киритишни уддасидан чиқди.

Ҳужумчи фақатгина Олий лиганинг 13-тур доирасидаги қолдирилган ўйин "Локо"га қарши баҳсда гол уролмаганди.

Шундан сўнг, Йованович иккинчи даврадаги барча беллашувда рақиблар дарвозасини ишғол этишга муваффақ бўлди.

Неманья кетма-кет 4 ўйин: "Машъал", "Шўртан", "Олмалиқ" ҳамда "Обод"га қарши баҳсларда жами 5та гол киритди ва ҳозирда чемпионат тўпурарлари пойгасида 10та гол билан 4-ўринда бормоқда.

Олий лига тўпурарлари рўйхатини "Локомотив" ҳужумчиси Темурхўжа Абдухолиқов бошқариб бормоқда. Абдухолиқов ҳисобида 16та гол мавжуд.

Ссылка :

Источник : championat.asia

Получайте новости прямо в Telegram!

Рейтинг: +10