Олий лига. Бугунги ўйинлар превьюси

Бу йилги мавсум расман Бекободда старт олади. Яъни маҳаллий вақт билан соат 15:30да Дмитрий Пислегин ҳуштак чалиб янги мавсумни расман бошлаб беради. Ўтган йил биринчи лигада қатнашиб яна элитага қайтган Самарқанднинг "Динамо" клуби чемпионатимизнинг "чақилмас ёнғоқ" деб таъриф бериладиган "Металлург" клуби меҳмони бўлади.

Ўзаро ўйинларда "Динамо"нинг устунлиги кузатилмоқда. Ушбу жамоалар ўртасидаги Бекободдаги сўнгги ўйин 2015 йил 19 сентябрь куни ўтказилган. Унда "Металлург" 4:2 ҳисобида ғалаба қозонган эди.

Олий лига. 1-тур
«Металлург» (Бекобод) – «Динамо» (Самарқанд)
3 март 2017. Бекобод. «Металлург» стадиони. 15:30
Ҳакамлар: Дмитрий Пислегин (Тошкент), Алишер Усмонов (Тошкент), Тимур Гайнулин (Тошкент), Жасур Мухторов (Тошкент)
Назоратчи: Фарҳод Абдуллаев (Тошкент).
ЎзПФЛ вакили: Ноил Лутфулин.

Олий лиганинг амалдаги чемпиони "Локомотив" клуби Муборакда "Машъал" клуби билан куч синашади. Ўтган йил Муборакда ўтган баҳсда "темирйўлчилар" 4:0 ҳисобида ғалабага эришишганди. Ўзаро ўйинларда "Локо" устунликка эга эканлигини жадвалдан кўриб олиш мумкин.

«Машъал» (Муборак) – «Локомотив» (Тошкент)
3 март 2017. Муборак. Баҳром Вафоев номидаги стадион. 16:30
Ҳакамлар: Ильгиз Танташев (Бухоро), Ҳусниддин Шодмонов (Бухоро), Абдураҳмон Қўлдошев (Бухоро), Элёр Турсунов (Бухоро)
Назоратчи: Сайфиддин Эрматов (Тошкент).
ЎзПФЛ вакили: Санжар Ризаев.

Тошкентда "Пахтакор" клуби Навоийнинг "Қизилқум" клубини қабул қилади. Ўзаро ўйинларда "шерлар"нинг катта устунлигини кўриш мумкин. Ўтган йил Тошкентда ўтказилган баҳсда мезбонлар 1:0 ҳисобида зафар қучишганди.

«Пахтакор» (Тошкент) – «Қизилқум» (Навоий)
3 март 2017. Тошкент. «Пахтакор» стадиони. 17:00
Ҳакамлар: Шерзод Қосимов (Тошкент), Тимур Галеев (Тошкент), Акбар Пўлатов (Тошкент), Игорь Худойдотов (Тошкент)
Назоратчи: Игорь Нехочин (Наманган).
ЎзПФЛ вакили: Шерзод Ражабов.

Нарзулла Сайдуллаев