Олий лига-2015. "Олмалиқ"да 6та қизил, энг тартибли жамоа "Шўртан"

Энг кўп сариқ карточкани "Навбаҳор" футболчилари олишди. Наманган клуби аъзоларига жами 82та сариқ карточка кўрсатилди.

Кейинги ўринларни "Андижон" (75та сариқ) ва "Олмалиқ" (74та сариқ) жамоалари банд этишди.

Энг кам сариқ карточкани эса "Пахтакор" ва "Локомотив" клуби футболчилари олишди. Олтин ва кумуш медаль соҳиблари бир хил 47 мартадан огоҳлантирилишди.

Қизил карточкалар борасида гап кетганида "Олмалиқ" бу борада "чемпион" бўлди. 2014 йил биронта қизил карточка олмай "Фейр Плей" совринини қўлга киритган жамоа аъзолари бу йил 6 марта қизил карточка олишди.

"Қизилқум", "Металлург" ва "Шўртан" футболчилари эса энг кам, бир мартадан қизил карточка олишди.

Бу йилги "Фейр Плей" соврини 54та сариқ ва 1та қизил картчока олган "Шўртан" жамоасига топширилиши кутилмоқда.

3та қизил карточка олган Евгений Гоголь

Алоҳида футболчиларга тўхталадиган бўлсак "Олмалиқ" сардори Евгений Гоголь мавсум давомида 3та қизил карточка олди. Иккитадан қизил карточка олган футболчилар: Баҳром Абдураҳимов ("Насаф"), Санжар Асқаралиев ("Андижон"), Акмал Холмуродов ("Динамо"), Бобуржон Акбаров ("Навбаҳор"), Сирож Ҳамроев ("Машъал"), Воҳид Шодиев ("Бунёдкор") ва Мансур Саидов ("Машъал").

Сариқ карточка олиш бўйича рекордчилар Иброҳим Отахонов ("Андижон"), Улуғбек Бақеов ("Навбаҳор") ва Микита Букаткин ("Машъал") 11 мартадан огоҳлантирилишди. 

Воҳид Шодиев 2 марта қизил карточка олди