ОФК "Ал Ҳилол" ва "Ал Иттиҳод"ни жаримага тортди

Хабарингиз бор, Саудия Арабистонида ўтган U-19 Осиё чемпионатига саралашдан ўрин олган Саудия Арабистони - Ўзбекистон учрашувида юзага келган вазият сабаб ОФК Ўзбекистон футбол ассоциациясига қаттиқ огоҳлантириш берди. Бунга сабаб ўйиндан кейин юзага келган тортишув бўлди. 

Бундан ташқари мазкур беллашувада 7 нафар футболчимиз ҳакам томонидан сариқ карточка олгани боис ОФК ЎФАни 2,730 АҚШ доллари миқдорида жаримага тортди. Тартиб-интизом қўмитаси қарорига биноан Эрон футбол федерацияси билан Саудия Арабистонининг икки клуби ҳам жаримага тортилган. 

Мусобақа: U-16 Осиё чемпионатига саралаш 

Ўйин: Эрон - Мальдив (18 сентябрь)

Кўрилган масала: Мухлислар ўйин пайтида майдонга идиш ва турли буюмлар отгани учун

Жазога тортилди: Эрон футбол федерацияси 3,000 АҚШ доллари миқдорида жаримага тортилди

Мусобақа: Осиё чемпионлар лигаси-2019

Ўйин: "Ал Ҳилол" - "Ал Иттиҳод" (17 сентябрь)

Кўрилган масала: Ўйинда жанжал чиқаришга ҳаракат қилгани учун

Жазога тортилди: "Ал Ҳилол" ва "Ал Иттиҳод" клубларининг ҳар бири 3,000 АҚШ доллари миқдорида жаримага тортилди.