ОЧЛ-2018. "Пахтакор"нинг рақибига Санжар Турсуновнинг собиқ устози бош мураббий бўлди
04 янв 2018 14:20
Новости

ОЧЛ-2018. "Пахтакор"нинг рақибига Санжар Турсуновнинг собиқ устози бош мураббий бўлди

ОЧЛ-2018 плей-офф босқичида "Пахтакор" клубига рақиб бўладиган Қатарнинг "Ал Гарафа" клубида мураббий ўзгарди.

Шу кунга қадар бош мураббий сифатида ишлаб келган франциялик Жан Фернандес ўрнига туркиялик Булент Уйгун тайинланди.

1971 йилда туғилган мураббий футболчилик даврида Туркия терма жамоаси сафида 18та ўйин ўтказиб 7та гол урган.

Уйгун мураббийлик фаолиятини 2005 йил бошлаган. Бугунга қадар Туркияда "Сивасспор", "Букаспор", "Эскишаҳарспор", "Элазигспор" ва "Газиантепспор" клубларида ишлаган. 2013-2016 йилларда у Қатарда "Умм Салал" клубини бошқарганди. Ўшанда ўзбекистонлик Санжар Турсунов "Умм Салал" сафида ўйнар эди.

Эслатиб ўтамиз, "Ал Гарафа" - "Пахтакор" учрашуви 30 январь куни бўлиб ўтади ва унда ғолиб бўлган клуб ОЧЛ-2018 гуруҳ босқичига йўл олади.