"Ньюкасл" Премьер-лигадаги мағлубиятсиз серия бўйича ўз рекордини янгилади

Мазкур баҳсда "Ньюкасл" 1:0 ҳисобида ғалаба қозонди. Шу тариқа, клуб лигада қаторасига 14 учрашувдан бери мағлубиятга учрамаган ҳолда клуб рекордини янгилади. 

Эдди Хау шогирдлари Премьер-лигада охирги марта 2022 йилнинг 31 август куни “Ливерпул”га қарши ўйинда (1:2) мағлуб бўлганди. Кейинчалик "Ньюкасл" тўққиз ғалабага эришди ва бешта дуранг қайд этди. Қўшимчасига, "оқ-қоралар" кетма-кет бешта ўйинда дарвозасидан тўп ўтказиб юбормади, дарвозабон Ник Поуп эса қуруқ серия бўйича лигада пешқадамлик қилмоқда (11).

"Ньюкасл" АПЛ турнир жадвалида учинчи ўринни эгаллаб турибди. Жамоа 19 учрашувдан сўнг 38 очко жамғарган.