Носир Ал Ҳелайфи Роналдунинг ПСЖга трансфери ҳақида гапирди

"Пари Сен-Жермен" клуби президенти Носир Ал Ҳелайфи португалиялик ҳужумчи Криштиану Роналдунинг трансфери эҳтимолини деярли йўққа чиқарди.

Журналистларнинг бу борадаги саволига Хелаифи қуйидагича жавоб берди:

"Бизда Месси, Неймар ва Мбаппе бор. Шунинг учун Криштианунинг трансфери ўта қийин вазифа. Бироқ мен унга энг яхши тилакларимни тилаб қоламан. У ҳамон энг яхши футболчилардан бири бўлиб қолмоқда".