Нўъмон Ҳасанов: "Хориждан легионер ҳужумчи гаплашиб қўйганман"

- Бу йилдан эътиборан чемпионатимиз савияси анча ошди. "Пахтакор"га қарши баҳсга ғалаба қозониш учун чиққандик. Аммо ғалаба учун бизга нимадир етмай қолди. Жамоамизга, футболчиларимизга раҳмат айтаман. Кўриниб турибди, жамоамиз савияси ошиб бормоқда. Шуни қайд этиш керакки, "Пахтакор" ҳам ёмон ўйнамади. Ўйлайманки, Тошкентда "Пахтакор" билан дуранг натижаси ёмон эмас. Ютмоқчи эдик, лекин ғалабага бироз етмай қолди. "Қўқон-1912" ҳар бир ўйинга ғалаба учун чиқади. Лекин бу футбол.

Ҳужумчи муаммоси? Ҳар бир жамоада бу муаммо мавжуд. Иккинчи даврада селекция ишлари ҳақида гапиришга ҳали броз эрта. Режада ҳужумни кучайтириш бор. Отақўзиев бугун яхши ўйин кўрсатди деб ўйлайман. Тўғрисини айтаман, ҳужумчи масаласида гаплашиб қўйганман. Иккинчи даврада хориждан легионер ҳужумчи олиб келамиз.

Жавоҳир Сидиқов: "Шиддатли ва асабий ўйин бўлди. Чемпионат пешқадамига қарши ўйнашимизни билган ҳолда учрашувга жиддий тайёргарлик кўргандик. Аммо оптимал ўйинимизни намойиш этиш учун бизга нимадир етишмай қолди. Агарда мураббийлар кўрсатмасини 100% тўлиқ бажарганимизда ғалабани ҳам илиб кетсак бўларди. Умуман олганда "Пахтакор"га қарши сафардаги дуранг ёмон натижа ҳисобланмайди. Лекин ютиб кетсак бўларди. Мақсадимизни тўлиқ бажара олмадик. Кейинги ўйиндаги ғалаба билан мухлисларимизни хурсанд қилишга ҳаракат қиламиз. Қўқондан келган минглаб ишқибозларга катта рахмат. Улар бугун Тошкентда "Пахтакор" мухлисларидан кам қўллаб-қувватлашмади. Бунинг учун уларга ташаккур".