Нўъмон Ҳасанов: “Сўнгги дақиқаларда гол ўтказиш аламли, албатта”
15 апр 2016 22:00
Новости
![](https://championat.asia/upload/storage/204962_original.jpg)
![](/upload/storage/204962_220.jpg)
Нўъмон Ҳасанов: “Сўнгги дақиқаларда гол ўтказиш аламли, албатта”
— Ўйин жуда қизиқарли бўлди, — дея сўз бошлади “Пахтакор” жамоаси бош мураббийи. — Аммо сўнгги дақиқаларда гол ўтказиб юбориш аламли, албатта. Кейинги пайтларда жамоамиз аъзолари мураккаб ўйинларни ўтказяпти. Осиё Чемпионлар лигаси учрашувидаги чарчоқлар тарқамасдан туриб, етакчи жамоалардан бири “Насаф”га қарши ўйнашди. Бугун Навоийда янада оғир ўйин ўтказди. Йигитларга қўлларидан келганича ҳаракат қилишди. Уларга раҳмат айтаман.
Учрашувнинг охирги дақиқаларида тактик ўзгаришларни амалга оширмоқчи эдик. Афсуски, таркибдаги ўзгаришлар ҳисобни ушлаб қолишга ёрдам бера олмади.
Навоийда жуда чиройли футбол муҳитида ўйнадик. Стадионда яратилган шарт-шароитлар, майдоннинг ҳолати аъло даражада. Шундай шароитга муносиб жамоа пайдо бўлганлигидан хурсанд бўлдим. Бугун “Қизилқум”нинг мағлубиятдан қутулиб қолишига кўпроқ мухлислар ёрдам қилишди. Бежизга ишқибозларни жамоанинг ўн иккинчи ўйинчиси, деб айтмасликларининг яна бир бор гувоҳи бўлдик. Улар охирги дақиқаларгача жамоаларини қўллаб-қувватлашди.
Станислав Андреев, Жамшид Искандеров, Жавоҳир Соҳибовнинг ўрни бугун билинди. Соҳибов кейинги учрашувлардан бошлаб таркиб қайтади. Аммо Андреев ҳамда Искандеровларнинг жамоа сафига қўшилиши учун камида икки ой вақт зарур, - дейди Ҳасанов.
“Қизилқум” ПФК Матбуот хизмати.
Похожие новости
![AMP Logo](https://championat.asia/image/logo-amp.png)
Комментарии