Нўъмон Ҳасанов: "Қўқон-1912" олий лигада қолиш учун курашади"
21 июн 2016 22:32
Новости

Нўъмон Ҳасанов: "Қўқон-1912" олий лигада қолиш учун курашади"

Теги : Қўқон-1912 Нўъмон Ҳасанов

"Машъал" - "Қўқон-1912" (2:0) учрашувидан кейинги матбуот анжуманида меҳмонлар бош мураббийи Нўъмон Ҳасанов қатнашди.

"Икки жамоа тенг кураш олиб борди. Жамоага янги келдим, ўзгаришлар киритдим. Мақсадимиз олий лигада қолиш, шунинг учун кураш олиб бораяпмиз. Биринчи давра тугашига 2 тур қолди. "Машъал"ни бугунги ғалаба билан табриклайман.

"Қўқон-1912"нинг олдинги ўйинларини кўриб чиқдим. Жамоанинг жисмоний ҳолати у қадар яхши эмас. Бунинг устида ишлаяпмиз. Ёзда таркибга бир нечта футболчи олиб келмасак бўлмайди. Қўқонда футболга жуда кўплаб мухлислар келади. Мухлислар ишончини оқлаш учун ҳаракат қиламиз.

Иқбол Маликжонов ва Ойбек Рустамовнинг ўйини менда яхши таассурот қолдирди. Уларни майдонга тушириб тўғри қилибман", - дейди Ҳасанов.

"Қўқон-1912" матбуот хизмати