Нима учун дунёдаги энг ғайриоддий стадионда футбол ўйинлари ўтказилмайди?

Эшитмаган бўлсангиз, бугун биз ушбу стадион ҳақида маълумотлар тақдим этамиз. Ушбу стадионнинг ғайриоддийлиги шундаки, унинг футбол майдонининг уч томонини сув ўраб туради. Трибуна эса фақатгина бир томонда, алоҳида жойлашган. Бир кўришда ажойиб, аммо ғалати...

Ушбу стадион Сингапурдаги Марина Бэй қирғоғида жойлашган. Инстаграмда энг кўп геолокация (check-in) оладиган манзиллардан бири ҳисобланади. 2007 йилда Сингапурнинг асосий байрамлари ва маросимлари бўлиб ўтадиган аренасининг ўрнига, вақтинчалик фойдаланиб туриш мақсадида қурилган. Мамлакат бош майдонининг қурилишига 7 йил вақт керак эди. Шунда ҳукумат айнан Марина Бэйда ушбу стадионни қуришга қарор қилган.

Ўзига ҳос кўриниш, сувда турадиган майдон, атиги 15 метр ортиқча жой, ўз ўрнида жуда мустаҳкам... 9000 дан ортиқ одамни кўтара олади. Ягона трибуна эса 30000 мингдан ортиқ одамни ўз бағрига сиғдира олади. Стадион шундай қурилганки, у ердаги майдон яқин атрофдаги меҳмонхоналарнинг деразаларидан ҳам бемалол кўриниб туради.

Фақат... Биз дунёнинг энг қўрқинчили стадионида футбол ўйинларини кўра олмаймиз. У ердаги майдонда биз футбол ўйинларини, тўпларни қай тарзда сувга тушиб кетаётганлигини кўра олмаймиз. Умуман, бу манзаранинг видеолари ҳам хеч қаерда йўқ. 10 йил ичида у ерда фақатгина бир маротаба жиддий ўйин, мамлакат чемпионати доирасидаги баҳс ўтказилган.

На терма жамоа ўйинлари, на машғулотлар... Бу ерда кўрмаймиз. Қачонлардир Сингапур футболи раҳбарлари бу ерда мамлакат кубоги финалини ўтказишни режалаштиргандилар. Бироқ, майдонни ёритиш билан боғлиқ муаммолар борлиги сабабли ушбу ғоядан воз кечилган.

Ўшандан бери Марина Бэйда хеч қайси жамоа ўйин ўтказишга қизиқиш билдирмаган. Қизиқишни ошириш учун барча нарсага тайёр бўлган Сингапур лигаси ҳам ушбу стадиондан тайинли фойдаланиш йўлини топа олмаяпти. Таъкидлаб ўтиш лозимки, Сингапур лигасида Япония, Бруней каби мамлакатдан ташриф буюрган жамоалар ҳам иштирок этади. Бу йил айнан Япониянинг "Альбирекс Ниигата" жамоаси Сингапур чемпионлигини қўлгша киритди.

Стадионда баъзида кўнгилочар тадбирлар бўлиб ўтади. Сингапур мустақиллиги куни, янги йилга бағишланган мушакбозликлар ҳам айнан Марина Бэйда бўлиб ўтади. Шунингдек, арена бир қанча концертларга ҳам мезбонлик қилган.

Спорт? Ҳа айтганча, 2008 йилдан буён "Формула-1" бўйича ўтказилган пойга трассасининг бир қисми айнан шу ердан ўтиб кетганди. Лекин, айни пайтда бошқа муаммо юзага келган: Сингапур бошқа "Формула-1" мусобақаларига мезбонлик қилмоқчи эмас.

Яқинда дунёдаги "энг ғайриоддий стадион" "энг кераксиз стадион"га айланиб қолса ҳам ажаб эмас...