Неймар 36 та компания билан ишламоқда
11 дек 2018 23:30
Новости

Неймар 36 та компания билан ишламоқда

ПСЖ ҳужумчиси Неймар жаҳонда энг машҳур спортчилардан бири ҳисобланади.

The Sun нашрининг хабарига кўра, бразилиялик форвард 36 та етакчи бренд компаниялар билан ҳамкорликда ишламоқда. Ушбу бренд ҳомий ташкилотлар Неймарга йилига 15 миллион фунт даромад келтирмоқда. Асосий ҳомий саналган Nike бразилиялик юлдуз билан 2022 йилга қадар шартнома имзолаган ва келишувни яна икки йилга узайтириш имконияти ҳам бор.

Инстаграмдаги обуначилари сони бўйича, ПСЖ етакчисидан фақатгина Роналду олдинда боряпти. Бу борада Лионель Месси, Дэвид Бекҳэм ва Леброн Жеймс каби таниқли спортчилар Неймардан анчагина ортда қолиб кетишган.

Forbes маълумотларига кўра, 2018 йилда Неймар рекламанинг ўзидан 15 миллион фунт ишлаб олган. Бундан ташқари, парижликлар сафида бир мавсум учун 37 миллион фунт даромад олиши белгилаб қўйилган.

Ссылка :

Источник : thesun.co.uk

Получайте новости прямо в Telegram!

Рейтинг: +6