Неймар "Барселона"га ўтиши борасида Бразилия судида кўрсатма беради

Судга аризани олдинроқ "Сантос" сафини ҳимоя қилган Неймарнинг 40% ҳуқуқига эга бўлган "DIS" компанияси бўлган.

"DIS"нинг таъкидлашича, улар футболчининг Каталония клубига ўтгани учун керакли маблағни олмаган. Эслатиб ўтамиз, "Барселона" Неймарни 57,1 млн евро эвазига харид қилганини маълум қилган, аммо текширув ишларидан сўнг футболчининг трансфери 94,8 млн еврога амалга ошгани эълон қилинди.

Суд Неймар вакили Вагнер Рибейрога барча ҳужжатларни тақдим этиш учун 5 кун муддат берган.