Наврўз Алимов гол урди ёхуд “қизиллар”га қарши “кўклар” (фото)

“Қизиллар”: Р Матнизов (А Бакланов), Д Турсунов, Ж Кимсанов, О Мамажонов, Н Қўзибоев, А Олимов, Н Отақўзиев, А Нурбоев, Б Акрамов, О Зокиров, Ф Хасанбоев.

“Кўклар”: Ғ Хасанов, М Зокиржонов, А Зиявиддинов, И Маликжонов, И Ильин, А Маматхўжаев, О Хайдаров, Н Алимов, А Юсупов(А Соипов), М Қурбонов(С Қахоров), О Рустамов.

Учрашувни фаол бошлаган “кўклар” 9-дақиқада Наврўзбек Алимовнинг узоқ масофадан берган зарбаси эвазига ҳисобни очишди. Ўтказиб юборилган голдан сўнг рақиблар ҳам аста-секин ҳужумга ўта бошлашди.

Учрашувнинг 23-дақиқасида Н Отақўзиев – Б Акрамов комбинациясидан сўнг, Баҳодир чиройли зарба билан дарвозани ишғол қилди. Шу тариқа биринчи бўлим 1-1 ҳисоби билан якунланди.

Учрашувнинг 2-бўлимида “кўклар” таркибида 2 та ўзгариш амалга оширилди. Миржалол Қурбонов ўз ўрнини Сардор Қоҳоровга бўшатиб берган бўлса, А Юсупов ўрнига А Соипов майдонга тушди. “Қизиллар”да эса дарвозани Р Матниязов ўрнига А Бакланов қўриқлади.

Иккинчи бўлимни фаол ўтказган қизил формалилар яна иккита гол уришга эришдилар. Н Отақўзиев дарвозабондан қайтган тўпни голга айлантирган бўлса, Б Акрамов ҳимоячиларнинг хатосидан фойдаланиб ўз дублини расмийлаштирди.

Шу тариқа ўзаро ўйин 3-1 ҳисобида “қизиллар”нинг ғалабаси билан якунланди.