"Навбаҳор": Мураббийлар штаби истеъфога чиқарилди

Мазкур йиғилишда жамоанинг жорий йилги мавсумдаги қатнашуви муҳокама қилинди. Ортда қолган 13 тур якунларига кўра жамоанинг қайд этган натижаларини қониқарсиз эканлиги қайд этилди. Чемпионатнинг олтинчи туридан кейин бош мураббий вазифасини бажаришга масъул этиб тайинланган Александр Волковнинг иш фаолияти ҳам қониқарсиз деб топилди. Волков бошчилигида еттита ўйин ўтказган “Навбаҳор” жамоаси атиги иккита учрашувда ғалаба қозонган холос. Битти баҳсда дуранг кузатилган бўлса тўртта ўйинда мағлубият кузатилган. “Металлург”дан учралган мағлубиятдан кейин жамоа мусобақа жадвалида 13-ўринга тушиб кетди.

Раҳбарият томонидан жамоанинг иштироки қониқарсиз деб топилганлиги сабабли Александр Волков бошчилигидаги мураббийлар штаби истеъфога чиқарилди. Яъни Вадим Шодиматов ва Анвар Жабборовлар билан тузилган шартномалар ҳам бекор қилинди. Бош мураббий вазифасини вақтинчалик тарзда бажариш вазифаси Мустафо Байрамов зиммасига юклатилди.