"Насаф" Ҳамробековнинг трансферидан 2,5 миллиард олади ва 20% улушни сақлаб қолади

"Менимча, Хамробековнинг трансферидан ҳар учала томон ютди. Нега?

Биринчидан, «Пахтакор» учун яхши харид. Келажаги порлоқ, юқори салоҳиятга эга футболчини қӯлга киритди. Айниқса Арвеладзенинг ўйин услубига тўла мос тушадиган таянч ярим ҳимоячи. Ҳамробеков Арвеладзега кенг танловга имконият яратади.

Иккинчидан, футболчи учун хам янги чорлов. ОЧЛда яна ўз кучини синайди, юқори темпдаги ўйинларда янада «пишади». «Пахтакор» орқали хорижга, кучлироқ тарафга «сакраш» имконияти ошади. Футболчи учун яна бир мухим жиҳат, совриндор бўлиш, чемпионлик учун курашади. Яхши мотивация.

Ҳамробеков буёғига янада ӯсиши кераклигини тушуниб турибди. Футболчи учун «Насаф»да йўқолган ракобат «Пахтакор»да «қайнайди».

Учинчидан, «Насаф»! Ҳамробековни катта футболга олиб кирган ва истеъдодини юзага чиқаришда катта роль ӯйнаган жамоа. Ҳамробеков клуб тарбияланувчиси сифатида жамоа учун яхшигина хизмат қилди. Шартномаси тугашига бир йил қолган футболчини 2,5 миллиардга сотиш албатта ақлли қарор. Яхши трансфер.

«Насаф»нинг бу келишувдаги қилган ажойиб иши — футболчининг кейинги трансферидан 20% улушни алоҳида кӯрсатгани. Яъни, «Пахтакор» кейинчалик Одилни сотиш орқали қанчадир маблағга эга бўлса, ўша трансфердан 20% тушим автоматик тарзда «Насаф» ҳисоб-рақамига ўтказилади. Демак ўз-ўзидан футболчининг кейинги трансферидан «Насаф» ҳам манфаатдор.

Яхши ва профессионал трансфер!

«Насаф» кеча «Пахтакор»нинг расмий таклифига розилик билдирди ва бугун мазкур трансфер ҳужжатлари расмийлаштирилади. «Пахтакор» эса ОЧЛ заявкаси учун бугунги дедлайнга улгуриши керак.

«Насаф»да Ҳамробеков нуқтасида Шароф Муҳитдинов бемалол ўйнаб кетади. Потенциали жуда юқори. Келаси трансфер бозорларида айнан Шароф Муҳитдинов трендга чиқади, ишонаверинг :-)"

Шаҳбоз Беғамов - "Telegram" канал, "Instagram"