МЮ Магуайр учун 40 миллион фунтдан ортиқ тўлашга тайёр эмас
19 июн 2019 11:32
Новости

МЮ Магуайр учун 40 миллион фунтдан ортиқ тўлашга тайёр эмас

"Манчестер Юнайтед" "Лестер" ҳимоячиси Гарри Магуайрга кўпи билан 40 миллион фунт бера олади.

Аммо "Лестер" 26 ёшли ҳимоячи учун 80 миллион фунтдан камига рози эмас. Агар МЮ бу талабни қондирса ва рози бўлса, бу битим Магуайрни дунёдаги энг қиммат ҳимоячига айлантиради.

Ҳозирги рекорд "Саутгемптон"дан "Ливерпуль"га 75 миллион фунт эвазига ўтган Виржил ван Дейкка тегишли.

Магуайр якунланган мавсум "Лестер" сафида 32та ўйинда майдонга тушиб, 3та гол уришга эришган. "Манчестер Юнайтед" 2018/19 йилги мавсумда, АПЛда 6-ўринни эгаллади. "Қизил иблислар" келаси мавсумда Европа Лигасида ҳаракат қилишади.