Мурод Отажонов: "Мухлисларнинг қўллаб-қувватлаши бизга етишмади"

- Бугунги учрашув ҳақидаги фикрларингиз қандай?

- Ўзингиз кўрдингиз, жуда оғир ўйин бўлди. Айнан ўйин сўнгида ғалабани бой бериш жуда аламли. "Пахтакор"ни ғалаба билан табриклайман. Кейинги учрашувларга тайёргарлик кўришимиз керак. Бугунги учрашув учун йигитларга раҳмат айтаман.

- Бугун трибуналарда "Бунёдкор" жамоаси фан клуби кўринмади. Биз эшитган ҳабарларга кўра, мухлислар жамоаси ва клуб ўртасида муаммо юзага келган...

- Тўғриси, мен бундай хабардор эмасман. Мухлислар қўллаб-қувватлаши бизга етишмади. Бугун фақатгина майдонга чиққанимиздан сўнг ушбу ҳолат гувоҳига айландим. 

"Бунёдкор" клуби матбуот котиби: Фан клуб раҳбари ўз хоҳишига кўра ишдан кетмоқчи. Қисқа муддат ичида фан клубга етакчи топилмади. Муаммо айнан шунда бўлди. Клуб ва мухлислар ўртасидаги молиявий муаммо ҳақидаги гаплар бу тушунмовчилик, холос.

- Жаъфар Ирисметов "Бунёдкор" клуби директори лавозимига тайинланиши ҳақидаги ҳабарлар тарқалди. Бу қанчалик рост?

- Ҳабарим йўқ, кўп ҳабарлар эшитамиз лекин уларнинг ҳаммаси ҳам рост бўлавермайди. Раҳбариятимизда ўзгаришлар бўлаётгани эса рост хабар.

- "Бунёдкор" мавсум давомида ўз майдонида ғалаба қозона олмаяпти. "Бунёдкор" ўз ўйида ўйнашга қийналмоқдами?

- Сўнгги учрашувларда ғалаба қозона олмаяпмиз. Ўй ўйинларимиз ҳам бундай истисно эмас. Қаерда ўйнашимиз фарқи йўқ, муҳими ғалаба қозоношимиз керак.

- Бугун жамоанинг ягона голида иштирок этган футболчилар захирага олинди. Бугунги учрашувда амалга оширилган ўзгаришларда, мураббий хатога йўл қўйдими?

- Балки хатога қилгандурман, лекин Абдуманноновда жароҳат бор эди. Ўйиндан аввал у бугунги учрашувда иштирок этиши сўроқ остида эди.