Мурод Исмоилов: "0:4га ҳеч қандай изоҳ йўқ"
11 мар 2016 20:00
Новости
![](https://championat.asia/upload/storage/201173_original.jpg)
![](/upload/storage/201173_220.jpg)
Мурод Исмоилов: "0:4га ҳеч қандай изоҳ йўқ"
"Бугун умуман ўйин қовушмади. Бу ерда ҳеч қандай изоҳ йўқ. Ўйинни кўриб чиққанимиздан кейин фикр билдиришим мумкин", - дейди Мурод Исмоилов.
- Жамоа нега бу даражада суст ўйнади?
- Бу нарсани тушунтириб бериш қийин. Чунки жамоани шакллантиришда ман бевосита иштирок этганман, демак, мен айбдорман.
- Миржалол Қурбонов нега алмаштирилди?
- У ўйинга тайёр эмас экан. Анча вақт бетоб бўлиб юрганди, ҳаракат қилдик, лекин тайёр бўлмади.
- Жамоага нима етишмади?
- Бизга кўп нарса етишмади. Рақиб кучли, хатоларимизни кўрдик.
- Чизиқлар орасида боғлиқликни кўрмадик!? Бу ўзгаришлар билан боғлиқми?
- Таркибда ўзгаришлар кўп бўлди. Янги футболчилар кўп. Шундай бўлсада, биз яхши ўйин кўрсатишимиз керак эди.
- Жамоа фақат Зокировга ўйнади? Бошқачароқ кўрсатма берилса бўлмасмиди?
- Кўп кўрсатмалар бергандик, аммо улардан фойдалана олмадик. Яна қайтараман, футболчиларни танлашда адашганман. Лекин бундан учрашувлар бўлади, ўйин чиқмади.
- Ўйинчи танлашда хатолик шу ўйин билан боғлиқми ёки селекция?
- Бу ўйинга ҳам, селекцияга ҳам.
- Бир вазиятда футболчингиз қулай имконият бўлишига қарамасдан дарвозага зарба бермади. Киши шубҳаланиши мумкин?
- Шубҳа хаёлимда йўқ. Ўша вазиятда маҳорат роль ўйнади. Мен йигитларимга юз фоиз ишонаман.
- Ўринбосарлар сафида иқтидорли ёшлар борми?
- Ёшлар бор, аммо ҳали уларга вақт керак. Аммо очиғини айтаман, уларнинг сони у қадар кўп эмас.
Фурқатбек Нишонов
Похожие новости
![AMP Logo](https://championat.asia/image/logo-amp.png)
Комментарии