Моуринью: "Одамлар мени Жозе Гарри Моуринью Поттер деб ўйлашади"

"Жориймавсум бизда иккита қийин давр бўлди: Биринчиси - чемпионатдаги дастлабки учта тур, 9 очко ўрнига 1 очко олдик. Ҳозир Чемпионлар лигаси зонасидан 4 баллга ортда қоляпмиз.

Иккинчиси - муаммолик таркиб билан "Фиорентина", "Аталанта", "Юве", "Лацио", "Милан"га қарши ўйнайдиган давримиз. Буни қийинчилик эмас дейиш адолатсизлик. Ўзингиз истаганча танқид қилинг, аммо ҳозирги қийинчиликларни унутиш - ақлсизлик.

"Кремонезе"га қарши ютилган баҳс эсингиздами? Ҳимоя чизиғимиз эсингиздами? Бугунги аҳволимиз қандай? Кристенсен ҳимоячи эмас, Манчини жароҳатланган ва ҳимоя марказида ўйнамайди, Хейсен ҳали бола, Льоренте эртага ўйнаши мумкин, аммо сўроқ остида.

Биз дербида мағлуб бўлдик, аммо чемпионатда курашни давом эттирамиз. Биз - "Рома"миз, энг зўр мухлислар бизда.

Жамоа мураббийининг номи анча машҳур, одамлар уни Жозе Гарри Моуринью Поттер деб ўйлашади. Бу менга бўлган талабларни оширади.

"Милан"га қарши баҳсда қолган учрашувлардагидек бор кучимиз билан тўп тепамиз. Афсуски, захира ўриндиғида эмас, трибунада бўламан" - дейди "Рома" устози.