Мини футбол. Тошкент шаҳар ҳокими Кубоги якунланди

10 ноябрь куни мусобақанинг финал баҳс ўтказилди. Ҳал қилувчи учрашувда Тошшаҳартрансхизмат акциадорлик жамияти ҳамда Инвестициялар ва ташқи савдо бошқармаси жамоалари ўзаро куч синашди. Ўйиннинг асосий вақтида ғолиб номи аниқланмади. Пенальтилар сериясида омад Тошшаҳартрансхизмат акциадорлик жамияти жамоасига насиб этди ва ушбу жамоа Тошкент шаҳар ҳокими кубогини қўлга киритди. Ғолиб жамоага кубокни Тошкент шаҳар жисмоний тарбия ва спорт бошқармаси бошлиғи Анвар Мурсакулов топширди. Шунингдек, турнирда иштирок этиб, иккинчи ва учинчи ўринга эга бўлган жамоаларга ҳамда турли номинация ғолибларига эсдалик совғалари Миробод тумани ҳокими Ш. Пўлатов, Ўзбекистон профессионал футбол лигаси бош директорининг ўринбосари Д. Хаитметов томонидан топширилди.