“Милан” Кьер билан шартномани узайтиришни хоҳламоқда

“Милан” даниялик ҳимоячи Симон Кьер билан келишувни узайтиришни истамоқда. Футболчи ўзининг майдондаги ҳаракатлари билан клуб раҳбариятига маъқул келган. Миланликлар футболчига айни дамдаги шартномаси шартлари асосида яна 1 йиллик келишув таклиф қилиши кутилмоқда. Кьер ҳозирда клубда йилига 1,2 млн евро маош олади.

31 ёшли футболчи жорий мавсум “Милан” сафида 13 та ўйинда қатнашди. Унинг клуб билан амалдаги шартномаси 2022 йил ёзида якунига етади.