Мэйсон Гринвуд термада ўйнайдими?

"The Sun" маълумотига кўра, 23 ёшли футболчи Англия термасидаги келажаги бўйича бош мураббий билан учрашув ўтказишни истайди. Гарчи Гринвуд термага қайтиш эҳтимоли юқори бўлмаслигини билса-да, 2026 йилги ЖЧда иштирок этишни ният қилмоқда.

Агарда Гринвуд Англия термасига қайта олмаса, Ямайка фуқаролигини олиб, ушбу давлат миллий жамоаси учун ўйнашни ўйлаб кўради. Эслатиб ўтамиз, 2022 йили Гринвуд зўрлов айблови билан 18 ойга футболдан четлатилган ва 2023 йил февралида айблов олиб ташланганди.

Ўтган ёзда Гринвуд 26 млн евро эвазига "Манчестер Юнайтед"дан "Марсель"га ўтди. Ушбу мавсумда у 6 ўйинда 2 гол ва 1 ассист қайд этди.

Англия термаси таркибида у фақатгина бир учрашувда қатнашган. 2020 йилнинг сентябрь ойида Гринвуд Миллатлар лигаси доирасида Исландияга қарши ўйинда захирадан майдонга тушган.