Месси: "Ливерпуль"дан учралган мағлубият оғриқли бўлди"

"Ҳақиқатан ҳам Вальверде ўз ишини яхши бажарганига ишонаман. Унга шикоят қилиш қийин. Сабаби, бу мағлубиятда биз ўйинчилар айбдормиз. Кетма-кет икки йил бундай мағлуб бўлмаслигимиз керак эди. Биз ҳали ҳам ўша "Энфильд"даги аламли мағлубиятдан тикланмоқдамиз. Шахсан менга бу оғриқли зарба бўлди ва эртаси куни эрталаб уйғониш қийин кечди. Ҳозир Испания кубогини ютишни хоҳлайман. Биз мавсумни иккита соврин билан якунлай оламиз", - дея Мессининг сўзларини келтиради El Mundo Deportivo нашри.