Меньяннинг "Челси"га ўтмагани сабаби маълум бўлди

"La Gazzetta dello Sport" нашрининг ёзишича, "Челси" клублар ўртасидаги жаҳон чемпионатига қадар посбонни сотиб олишга ҳаракат қилганди.

Клублар ҳафталар мобайнида музокаралар олиб борди ва посбонни 18 миллион евролик трансфери борасида келишувга эришганди. Бироқ "Милан"га Массимилиано Аллегри бош мураббий бўлганидан кейин клуб раҳбариятидан посбонни сотиб юбормасликни сўраган. Шу боисдан ушбу трансфер амалга ошмаган.

Меньян "Милан"га 2021 йил ёзида кўчиб ўтган ва шу вақтдан буён жамоа таркибида 166 ўйинда қатнашиб, 172 гол ўтказиб юборди ва 61 баҳсда дарвозаси даҳлсизлигини сақлаб қолди.